Bændur þurfa að taka frumkvæði - annars gerir það einhver annar

Allir sem horfa á styrkjakerfi bænda sem er uppfullt af forneskjulegum undarlegheitum, flóknum styrkjum, kvótum, eftirliti og höftum sjá að þetta er ekki kerfi framtíðarinnar.  Eitthvað verður að gerast ef bændur vilja að komið sé fram við þá eins og alvöru atvinnugrein með sjálfstraust en ekki einhverja þurfalinga eða kerfiskarla sem óverðskuldað eru litnir hornauga.  Bændur framleiða framúrskarandi vörur sem hafa alla burði til að standast það allra besta sem í boði er á matvörumarkaði.

Bændur hafa tvo möguleika.  Annað hvort leiða þeir þróunina út úr þessu kerfi eða einhver annar gerir það. 

Ég efast ekki um að til séu hæfir frjóir bændur sem hafa góðar hugmyndir um nýjar lausnir og nýja sýn í landbúnaði.  Náum þessum bændum upp á yfirborðið og skoðum þeirra hugmyndir.  Ég er sannfærður um að það sé betra að lausnin komi innan frá en að einhverri málamiðlunarlausn verði troðið ofan í kokið á bændum.  Sá tími kemur.  Spurningin er sú hvort þeir verði sjálfir fyrri til og leiði þróunina eða hvort þeir dragnist á eftir með tilheyrandi lítilsvirðingu atvinnugreinarinnar.

Forystumenn bænda funda fljótlega með nýjum landbúnaðarráðherra

Athugasemdir

[Geiri (IP-tala skráð) 23.5.2007 kl. 17:42]

Það segir sig sjálft að það er tap á peningum ef það er haldið einhverju uppi sem getur ekki staðið á eigin fótum.

 Ég segi fellum niður tolla og hendum þeim í alþjóðlega samkeppni. Þeir virðast ekki hafa neina tilfinningu fyrir lögum markaðsins og því þarf að breyta.