Hvað gerist í borgarpólitíkinni næstu tvö árin?

Það verður mjög fróðlegt að vita hvernig næstu tvö ár munu æxlast í borgarstjórnarpólitíkinni. 

Nokkrar lykilspurningar til umhugsunar:

• Mun Óskar halda Framsókn á lífi eða mun hún þurrkast út í Reykjavík í næstu kosningum?
• Mun Ólafur halda F-listanum (hvað svo sem hann er) á lífi í næstu kosningum?
• Munu Reykvíkingar fyrirgefa Sjálfsstæðismönnum bröltið eða munu þeir tapa verulega og fylgi flokka jafnast meira út (ekki helmingur Sjálfsstæðimenn og aðrir skipti síðan hinum helmingnum á milli sín eins og verið hefur)?
• Verður Villi borgarstjóri eftir ár, verður Hanna Birna það eða munu Sjálfstæðismenn sækja einhvern utan frá?  Verður það sama klúðrið og í öll hin skiptin sem þeir hafa sótt einhverja utan frá (Markús, Árni, Björn...)?  Sumir hafa talað um Guðlaug Þór, aðrir um Guðfinnu, Bjarni Ben væri líka mögulegur kandídat ef hann flytti úr Garðabænum, Ásdís Halla Bragadóttir, lengi átti ég von á því að Kristján Þór Júlíusson Akureyrarbæjarstjóri tæki Reykjavík næst eftir að hafa byrjað á Dalvík, farið til Ísafjarðar og þaðan á Akureyri.  Þá var eiginlega bara eitt eftir.
• Þetta hefur verið djöfullegt kjörtímabil fyrir borgarfulltrúa Reykjavíkur.  Ég spái því að einhverjir muni hreinlega láta sig hverfa, finna sér annan starfsvettvang og sleppa því að taka þátt í næstu kosningum og lái þeim hver sem vill.  Það skapar pláss fyrir aðra.
• Verður Svandís með í næstu borgarstjórnarkosningum eða fer hún í landsmálin og ýtir Steingrími úr formanni VG?  Hver kemur þá í staðinn?
• Nær Dagur að vinna þann stórsigur sem hann ætti að eiga möguleika á miðað við allt ofangreint eða talar hann bara í hringi og gerir ekki neitt?
• Hvaða leið verður eiginlega farin með útrás OR og samskiptin við Geysir Green?  Annað hvort verður fundin lausn á þessu eða þeir lögsækja OR upp á milljarða.  Vilja einkaaðilar taka þátt í þessu eftir þá útreið sem Bjarni Ármannsson, óskabarn þjóðarinnar, fékk í þessum hildarleik?

Hvaða áhrif hefur þetta á Sjálfstæðisflokkinn?

• Hver verður staða Geir Haarde eftir þetta?  Fólki hefur þótt hann hafa hálf lufsuleg tök á flokknum í öllum þessum málum.
• Í greininni hans Reynis hér að neðan er talað um að Þorgerður Katrín sé að grafa eigin gröf í flokknum með því að skapa ósætti innan flokksins til að ýta Villa út.

Það er engin gúrkutíð framundan svo mikið er víst!

Geir: „Tek afstöðu þegar þar að kemur“

Athugasemdir

[Johnny B Good (IP-tala skráð) 11.2.2008 kl. 22:34]

Sammála það eiga mörg lauf eftir að falla til jarðar.  Eins finnst mér þessi atburðarás benda eindregið til þess að staða Geirs Haarde sé mjög veik innan Sjálfstæðisflokksins.  Annars get ég ekki annað en glaðst yfir óförum flokksins og vona að óhamingju hans verði enn um sinn allt að vopni

[Sigurður Viktor Úlfarsson, 12.2.2008 kl. 17:40]

Verst er að ófarir flokksins valda óförum borgarinnar sem hann hefur sett sig í stöðu til að stjórna.