Hræsni!

Það er auðvitað ekkert annað en hræsni að þessi ríki kaupi vörur og stundi viðskipti við Kína fyrir milljarða en ætli síðan að ráðast á Ólympíuleikana þótt þeir séu haldnir í Kína.  Ástæða þess er auðvitað sú að engir hagsmunir eru þar á bakvið og því er hægt að hafa hátt í tengslum við leikana.  Þar sem hinir raunverulegu hagsmuni liggja, þ.e. á viðskiptasviðinu, þar rugga þeir ekkert bátnum.

Það er ljótt að sjá pólitíkina fara svona með Ólympíuleikana og gott hjá Þorgerði Katrínu að mæta.  Fyrst Kínverjum var á annað borð leyft að halda Ólympíuleikana þá á að koma fram við þá eins og aðra Ólympíuleika.  Það er hins vegar full ástæða til að spyrja sig hvort ríki þurfi að uppfylla einhver skilyrði til að fá að halda Ólympíuleikana.  Bandaríkjamenn hefðu t.d. ekki mátt það ef horft hefði verið til mannréttindabrota.

Hvetja stjórnvöld ríkja ESB til að sniðganga setningarathöfnina

Athugasemdir

[kristín k (IP-tala skráð) 10.4.2008 kl. 11:17]

þetta er það fyrsta sem ég les um þetta málefni sem ég er hjartanlega sammála

[Torfi Stefánsson (IP-tala skráð) 10.4.2008 kl. 11:29]

Já, ég tek undir þetta. Sjálfur Dalai Lama leggst gegn því að menn sniðgangi Ólympíuleikana á nokkurn hátt og leggur áherslu á að andóf Tíbeta eigi ekki að beinast gegn Kínverjum heldur að því að fá rétt til að tjá sig opinberlega.

Sjá t.d. http://www.aftenposten.no/nyheter/sport/ol/article2360205.ece

Hann hefur áður harmað ofbeldisverk landa sinna á kínverska minnihlutanum í Tíbet og herverkum meintra suðningsmanna hans í Tíbet.

Þá er og skömm að því hvernig farið er með Ólympíueldinn á ferð hans um Vesturlönd. Með því að reyna að slökkva hann er verið að slökkva samkennd milli þjóða og alþjóðlega friðarvilja. 

[Johnny Bravo, 10.4.2008 kl. 13:19]

Sammála, Sammála.. en hvað sem fær þá í viðskiptabann er guðs gjöf, þetta er fyrsta skrefið.