Bjössi friðaður! - Ekki Skagfirðingar!

Undarleg umræða.  Þarna var ísbjörn á leið í áttina að fólkinu.  Það þurfti því að velja á milli hans og fólksins.  Átti að láta hann vaða á hópinn á þeim forsendum að Bjössi væri friðaður en ekki Skagfirðingar?  Þetta er fáránleg umræða.

Hins vegar eins og umhverfisráðherra segir er mikilvægt að lögregluembætti á Norðurlandi séu græjuð til að takast á við svona gesti.  Þeir hafa átt leið hérna í gegn í aldir og ekki ástæða til annars en að vera klár í slaginn.

„Skaðar alþjóðlega ímynd landsins"

Athugasemdir

[Sigurjón Sveinsson, 3.6.2008 kl. 17:20]

Ein af þeim sem sáu dýrið fyrst sagði það forðast fólk, það fór undan á flæmingi þegar fólkið nálgaðist. Það var ekki björninn sem var að nálgast fólkið, það var fólkið sem var að nálgast hann.

Það sem pirrar mig hvað mest var algert ráðleysi þeirra sem voru með málið. Að ljúka málinu með stæl og flottheitum kom aldrei til greina, bara skjóta. Þetta er ekki fáránleg umræða btw. :)

Fyrir nokkrum árum var þó einhver seldur fluttur með miklum látum til Grænlands. Það vafðist ekki fyrir neinum, að svæfa, fanga og flytja sel. En að svæfa, fanga og flytja stórt rándýr, nokkuð sem er verið að gera á hverjum degi út um allan heim, það er too much. Nei, verum aumingjar, skjótum dýrið. Reynum ekki að gera eitthvað flott og með stæl, eins og t.d. að koma því aftur í sitt umhverfi. Keikó hvað!!!!

[Sigurður Viktor Úlfarsson, 3.6.2008 kl. 17:22]

Sammála því að það er klaufaskapur að hafa ekki getað græjað þetta.  Fyrst þeir voru ekki með þær græjur sem til þurfti þá varð að fara svona að.  Það er hins vegar full ástæða til að gera ráðstafanir svo það þurfi ekki að skjóta næsta ísbjörn sem kemur í heimsókn.

[Steini Thorst, 3.6.2008 kl. 18:11]

Ef þarna var um að ræða að bjarga mannslífum, þá var rétt að skjóta björninn. Hins vegar hefðu byssumenn einfaldlega átt að fylgja dýrinu eftir, til öryggis, þar til búið væri að græja það sem græja varð til að koma dýrinu lifandi til sinna heima. Hvítabjörn er í alvarlegri útrýmingarhættu og ef ekki var um bráðan lífsháska manna að ræða, þá var þetta stíllaust og siðlaust.