Látið lífeyrissjóðina í friði!

Látið lífeyrissjóðina í friði! 

Lífeyrissjóðirnir eru heilagir og það má ekki snerta þá eða gera neitt sem getur dregið úr ávöxtun þeirra.

Ef það á að fara að nota þá sem gjaldeyrisstyrkingartæki og láta þá þannig taka við hlutverki Seðlabankans þá er búið að opna gátt sem ekki má opna. Þetta fjármagn er einfaldlega fyrir utan sviga.

Það eru reglulega efnahagslægðir, oftast á 8-10 ára fresti eða jafnvel oftar. Því má gera ráð fyrir því að á 50 ára starfsævi séu 5-6 efnahagslægðir, misdjúpar þó. Eigi í hverri lægð að seilast ofan í lífeyrissparnað fólks, taka hann þaðan sem honum var valinn staður á grundvelli markmiða um ávöxtun og flytja hann þangað sem hann nær markmiðum um efnahagsstöðugleika ríkisstjórnarinnar á hverjum tíma þá mun það á endanum hafa ófyrirsjáanleg áhrif á afkomu okkar þegar við hættum að vinna. Þetta er glapræði á sama tíma og þjóðin eldist og þörfin fyrir lífeyrissjóðina eykst með hverju árinu.

Lífeyrissjóðir komi að lausn

Athugasemdir

[Veraldarálfurinn (IP-tala skráð) 3.10.2008 kl. 17:45]

Hm.

Jakkafata-álfarnir skemmdu draumakastalann, þeir ættu að endurbyggja hann.

En hvar eru fjárfestingar lífeyrissins? Í fallvöltum draumaköstulum erlendis? 

[Hólmdís Hjartardóttir, 3.10.2008 kl. 17:47]

sammála

[Sigurður Viktor Úlfarsson, 3.10.2008 kl. 18:10]

Welfremd, hvar sem þeir eru niður komnir þá voru þeir valdir sem fjárfestingarkostur á grundvelli ávöxtunar á sínum tíma, hvort sem það hefur síðan gengið eftir eða ekki er annað mál.

Um leið og markmiðið er orðið eitthvað annað en ávöxtun þá erum við farin að lækka ellilífeyrinn.  Það skiptir engu máli hvort þar er um að ræða aðstoð vegna gengismála, ýmiss konar félagsleg úrræði (eins og oft hefur komið inn í umræðuna) eða eitthvað annað.

[Brynjar Jóhannsson, 3.10.2008 kl. 18:11]

Ertu sem sagt á þeirri skoðun að það sé ekki allt að sigla í þrot ? Ég veit ekki betur en að krónan hefur skítfallið og núna kostar kaffibolli í dannmörku 920 íslenskar krónur.. 

Eins og ég sé þetta þá verður að gera það sem þarf til að bjarga málum. Lífeyrissjóðinir mega mín vegna fara ef fólk missir ekki vinnuna sína hér í umvörpum og dóminóferli fyrirtækja fara á kúbuna. 

það er mín skoðunn allaveganna  

[Sigurður Viktor Úlfarsson, 3.10.2008 kl. 18:15]

Það var rosaleg dýfa hérna þegar síldin fór á sínum tíma.  Við erum nú samt hérna enn er það ekki?  Það var heimskreppa 1929.  Hún leið hjá.

Þetta mun líka líða hjá, hversu langan tíma sem það tekur eða hversu djúp sem dýfan verður.  Því verri sem þessi dýfa verður því mikilvægara er að lífeyrissjóðirnir verði á sínum stað þegar henni líkur.

[Halla Rut , 3.10.2008 kl. 18:16]

Lífeyrissjóðirnir koma nú inn í landið með gjaldeyririnn og stórgræða á lágu gengi krónunnar. Við þetta styrkist krónan og þá geta þeir byrjað að fjárfesta aftur í útlöndum. Stórgróði gæti myndast.

Lífeyrissjóðirnir eiga eftir að græða á þessu, vitið til.

[Sigurður Viktor Úlfarsson, 3.10.2008 kl. 18:20]

Ég endurtek, ef ávöxtun er markmiðið þá er þetta í góðu lagi Halla Rut.  Ekkert annað markmið má leggja til grundvallar.

[Arnar (IP-tala skráð) 3.10.2008 kl. 18:26]

Ef að þessu verður munu ALLIR hagnast. Lífeyrissjóðirnir koma heim með erlenda mynt á mjög hágu verði og við það styrkist gengið við það hagnast lífeyrissjóðirnir og allir sem hafa erlend lán. síðan kaupa lífeyrissjóðirnir ríkisskulabréf sem eru margfallt öruggari en erlendu eignirnar. Hagnaðurinn sem seðlabankinn fékk af sölu skuldabréfana verður notaður til að tryggja allar innistæður í innlendum bönkum. Þetta mun auka innlán erlendis sem leiðir til þess að bankarnir fjármagna sig ódýrar og geta því boðið upp á lægri vexti. þegar gengið styrkist minnkar verðbólgan sem er að miklu innflutt vegna gengishækkunar. Þá getur seðlabankinn lækkað vexti og öll fjármögnunn verður enn auðveldari. Gengi erlendra gjaldmiðla mjög lágt og þá geta lífeyrissjóðirnir keypt þær margfallt ódýrari en núna. Allir hagnast því

[Halla Rut , 3.10.2008 kl. 18:42]

Ávöxtunin er ekki markmið númer 1. Það er vitað. Þetta eru peningarnir okkar allra svo því ekki að nota þá þegar við þurfum virkilega á þeim að halda.

Ef ekkert er að gert förum við í þrot. Þetta er góð lausn en auðvitað ekki staða sem við vildum vera í. 

Auðvitað er lífeyrissjóðurinn mikilvægur og nærri því heilagur en ég set ofar allar þær ungu fjölskyldur sem nú geta vart haldið heimilum sínum og horfa uppá hugsanlegan vöruskort. 

Þetta gæti bjargað okkur öllum og sömuleiðis gefið lífeyrissjóðunum stórgróða. 

[Sigurður Viktor Úlfarsson, 3.10.2008 kl. 18:47]

Þegar við höfum opnað á þetta einu sinni þá munu verða kröfur um þetta í næstu efnahagsdýfu líka og þeirri þarnæstu og þarnæstu og...

[Halla Rut , 3.10.2008 kl. 18:58]

Þetta er nú mikið meira en "efnahagsdýfa" við erum að fara á hausinn. Við erum að drukkna að þurfum lífsnauðsynlega þessa hjálp. Þetta er það eina rétta í stöðunni eins og málin standa. Mér finnst það nú bara sérstakur BÓNUS að sjóðirnir eiga sennilega eftir að stórgræða á þessu. Ekki eru þeir að græða nú í sjóðum erlendis.

En þú mátt vita að ég ber virðingu fyrir umhyggju þinni fyrir sameiginlegum eignum okkar. Það eru of margir sem gera það sennilega ekki.

[Brjánn (IP-tala skráð) 3.10.2008 kl. 19:34]

Segi eins og Sigurður,

Látið lífeyrissjóðina í friði.

Þetta er það sem kallast að vera komin út á "slippery slope" á ensku.

Næst verður það eitthvað annað, og svo enn annað og áður en þú veist af er farið að nota þessa sjóði okkar í allskonar reddingar hingað og þangað.

[Brjánn (IP-tala skráð) 3.10.2008 kl. 19:43]

á íslenzku ku það kallast að vera kominn út á hálan ís :)

[Sigurður Viktor Úlfarsson, 3.10.2008 kl. 21:00]

Nákvæmlega Brjánn.

Takk fyrir það Halla.  Þetta er auðvitað djúp efnahagsdýfa en þetta er samt bara efnahagsdýfa.  Við erum ekki að fara á hausinn.  Það eru bara móðursjúkir fjölmiðlamenn sem blása það upp.  Mundu að fyrir dýfuna, eftir dýfuna og meira að segja á meðan á dýfunni stendur höfum við það svo miklu betra en megnið af heimsbyggðinni.  Það versta sem getur komið fyrir okkur er að þurfa að lifa á 100-200 þús. króna atvinnuleysisbótum vegna þess að okkur hefur verið sagt upp, selja bílinn og nota strætó, selja íbúðina og búa þrengra og læra nýja kartöflurétti sem við notum síðan á nýju íslensku kartöflurnar.  Ef bankinn sækir flatskjáinn þá pússlum við bara eða förum á bókasafnið.

Eftir tvö til þrjú ár verðum við farin að rífast um eitthvað allt annað. 

Ef við hefðum ekki lífeyrissjóðina hvað myndum við gera þá?  Lífeyrissjóðurinn er hugsaður til svo miklu lengri tíma að við verðum bara að bíta í skjaldarrendurnar í þennan tíma og koma okkur í gegnum þetta eins og hvern annan hríðarbil - vel klædd, ákveðin á svip með hausinn á undan.

[Pétur Guðnason (IP-tala skráð) 3.10.2008 kl. 22:01]

Er ekki nú þegar búið að stela 50% af öllum sparnaði í krónum.

[Halla Rut , 3.10.2008 kl. 22:01]

"Það eru bara móðursjúkir fjölmiðlamenn sem blása það upp. " segir þú. Hverjir heldur þú að séu einmitt á bak við þennan uppblástur. Hann er mest á visir.is....þetta eru engin geimvísindi.

[Sigurður Viktor Úlfarsson, 3.10.2008 kl. 22:06]

Af hverju segir þú það Pétur?

[Nonni (IP-tala skráð) 3.10.2008 kl. 23:08]

Áður en lífeyrissjóðirnir verða snertir ætti að þjóðnýta eignir skíthælanna sem komið hafa landinu á hausinn í græðgi sinni og draga þá til ábyrðar. Svo ætti viðskiptadeilt Háskólans að endurskoða námsefnið og reka núverandi kennara og fá nýja því úrkoman frá deildinni er hörmuleg svo ekki sé meira sagt.)

[Halla Rut , 3.10.2008 kl. 23:52]

Nonni: En þeir voru nú að mestu ómenntaðir sem komu okkur í þennan vanda svo ég veit ekki hverju það mundi skila. Sömuleiðis má nefna að lang flestir af ríkustu mönnum veraldar eru ómenntaðir. Það er nú staðreynd að þeir sem mennta sig taka síður áhættur og eru yfirleitt vinnudýr á ágætis launum fyrir snillingana. Þeir sem sækjast eftir menntun vilja öryggi. Það gildir öðru máli með þá sem þora að leggja í áhættur.

 Bill Gates hætti í háskóla og Steve Jobs hætti í Stanford og Linus sem hætti líka.

Jón Ásgeir er eingöngu með 2 ár í menntaskóla... og leiddist.

[Pétur Guðnason (IP-tala skráð) 4.10.2008 kl. 16:56]

Sigurður, ég segi það vegna þess að krónan hefur misst kaupmátt sinn um serka 50% á stuttum tíma. þar af leiðandi fær maður 50% minna fyrir pappírspeningana sína.