Gott hjá Geir: Kreppa stækkar ekki þorskstofninn

Loksins er komin ríkisstjórn sem ákveður veiður út frá vísindum.  Núverandi kvóti er byggður á vísindum og það væri auðvitað algerlega verið að pissa í skóinn sinn að auka hann verulega vegna efnahagsástandsins.  Nú ríður á að vel sé farið með auðlindirnar.

Það sama má segja um álver á Bakka.  Það er í umhverfismati og það má á engan hátt draga úr þeim kröfum.  Hins vegar má auðvitað setja meira fé í framkvæmd umhverfismatsins ef það getur flýtt fyrir því að hægt sé að taka ákvörðun um álverið.

Vísindin ráða

Athugasemdir

[Kristján H Theódórsson, 7.10.2008 kl. 15:36]

Það er reyndar komin sú "reynsla"á þessi vísindi að við getum víst afskrifað þau sem marktæk.

[Sigurður Viktor Úlfarsson, 7.10.2008 kl. 15:40]

Ef við teljum þessa tilteknu vísindalegu leið ekki nægilega marktæka þá finnum við marktækari vísindalega leið og förum eftir henni.  Við tökum ekki ákvörðun á grundvelli aðstæðna í landi.

[Kristján H Theódórsson, 7.10.2008 kl. 16:06]

Mjög sannfærandi rök vísindamanna sem haldið er utan við þessa ráðgjafarstarfsemi hníga hins vegar að því að við séum beinlínis að skaða fiskistofnana suma með ofverndun. Lífríkið er það flókið að aðstæður víða í hafinu er í raun illrannsakanlegar.Svo margt sem ekki er fyrirséð í skilyrðum hafsins .

 þegar líka álit þeirra sem gerst þekkja til. þ.e. sjómanna , segir að nóg sé af fiski í sjónum,  þá er vart verjandi við þessar aðstæður að leyfa ekki eitthvað meiri veiðar.

Þó nokkur rök eru fyrir því að við séum beinlínis að fleygja frá okkur verðmætum sem ekki verða síðar sótt.

Kenningin um að geyma fisk og ala til seinni tíma veiða er mjög umdeild!

[Árni Gunnarsson, 7.10.2008 kl. 16:21]

Reynslan gegnum átta ára veiðar í Brentshafi sýndi Rússum og Norðmönnum það sem ýmsa grunar að ráðgöf vísindamanna er einskis virði í þessu efni. Þeim tókst að fimmfalda aflann umfram það sem fiskifræðingar ráðlögðu og höfðu að engu ráðgjafana.

Ætli ógætilegar veiðar karlanna á árabátunum hafi valdið fiskileysisárum fyrri alda? Þega vertiðarhlutir fóru niður í sjö fiska. Sveiflur hafa alltaf verið í lífríkinu og munu verða þó Hafró verði lögð niður. 

[Fannar frá Rifi, 7.10.2008 kl. 17:56]

en ekki eru það "vísindamennirnir" hafró sem gera mikið gagn.

Það eru vísindi þegar menn koma með mótrök og ef kenningar þeirra ganga ekki upp, er ný kenning smíðuð. Það eru enginn mótrök leyfð hjá Hafró. ef þú hefur aðrar hugmyndir þá færðu ekki vinnu í þessari stofnun. fyrir þá sem mennta sig fiskifræðinga þá er ekkert val. 

Hjá hafró er, t.d. Togararalllið þannig að á hverju ári, er farið yfir sömu blettina með sömu veiðarfærunum. ef það veiðist ekki jafn mikill fiskur og árið á undan, þá hefur orðið fækku í stofninum. Í bókum hafró syndir fiskurinn ekki um.

Hafró er versta stofnun íslenska ríkisins frá stofnun lýðveldis 1918. 

Þeir lögðu til 1/3 niðurskurð. því var hlýdd. síðan koma þeir ári seinna og segja meiri niðurskurð. er ekki lagi? bíddu tilhvers í ósköpunum voru við að fara að ráðum þeirra í fyrra? tilhvers var niðurskurðurinn?

Ofan á þetta bætist gríðarleg leit og aukning á loðnu í hvert skipti sem svo sem eitt seiði finnst. 

Síðan hefur Hafró opnað hryggningarhólf í miðri hryggningu og þannig eyðilagt heilu árgangana. 

Það á að reka hvern og einn einasta starfsmann þessarar stofnunar og skipuleggja hana upp á nýtt.

[Sigurður Viktor Úlfarsson, 7.10.2008 kl. 23:34]

Við ákveðum veiðar með tilliti til stærðar stofnsins.  Einungis þannig verða veiðarnar sjálfbærar til lengri tíma.  Það getur vel verið að aðferðir Hafró séu umdeildar en þær eru samt þær aðferðir sem ákveðið hefur verið að leggja til grundvallar og er það væntanlega gert með vísindalegum rökum.  Þangað til ákveðið verður að nota aðrar aðferðir þá notum við þessar og miðum veiðarnar út frá áætlaðri stofnstærð.

Það er alveg klárt að kreppa á þurru landi hefur ekki áhrif á stærð stofnsins í sjónum og því er jafn klárt að það að leggja til að þorskaflinn verði aukinn vegna kreppu á þurru landi er fullkomlega óábyrgt tal og ömurlegt að Guðni Ágústsson og félagar noti það til að slá sér til riddara.  Megi þeir eiga skömm fyrir.