Hörður góður

Hörður er búinn að standa sig vel í þessu undanfarnar vikur.  Enginn efast um heilindi hans þegar kemur að mannréttindum og skoðunum.  Enginn telur hann ganga erinda einhvers annars en hans eigin skoðana.  Hann er friðelskandi og hefur staðið sig listavel í því að halda mótmælunum á friðsömum nótum.  Fyrir það á hann alla mína aðdáun og stuðning.

Auðvitað hafa þessi mótmæli áhrif á ríkisstjórnina.  Þau eru vissulega að skapa pressu þótt hún sé auðvitað ekki eins mikil og ef almennilegur fjöldi fólks myndi mæta þarna.  Til dæmis jafn margir og mæta á Gay Pride eða Menningarnótt. 

Þeir sem eru reiðir og hafa þörf fyrir að standa upp og mótmæla fá útrás fyrir það þarna á íslenskan, friðelskandi siðmenntaðan máta.  Það er mjög mikilvægt og Hörður á líklega stóran þátt í því að ekki hefur soðið upp úr í íslensku samfélagi þar sem honum hefur tekist á sinn einlæga og fordómalausa hátt að halda hinum reiðu á siðmenntuðu nótunum en samt gefið þeim tækifæri til að vera virkir í baráttunni.  Annars hefði hugsanlega einhver annar leiðtogi með önnur og verri markmið virkjað fjöldan með sér.  Það er ekki ólíklegt að með því hafi Hörður jafnvel bjargað mannslífum undanfarnar vikur.  Vonandi verður svo áfram.

Segir góða stemningu á mótmælafundi

Athugasemdir

[Æsir (IP-tala skráð) 29.11.2008 kl. 17:41]

Já þetta var Góður Fundur í dag og eiga skipuleggendur þessar mótmæla hrós skilið

Mun halda áfram að fjölmenna

Kveðja

[Offi (IP-tala skráð) 30.11.2008 kl. 00:25]

Hve góður var hann? Langaði þig í hann? Wroarrr!!

Hlakka til að sjá Æsi fjölmenna. Það kemur pottþétt í fréttunum!

[Heidi Strand, 30.11.2008 kl. 01:00]

http://www.google.com/hostednews/ap/article/ALeqM5hJdb2RwrEg_X8yNRHcVvn_OE9vKwD94OO0M80

[Alexander Kristófer Gústafsson, 30.11.2008 kl. 01:52]

ÞEssi friðsömu mótmæli hafa ekki virkað , það er tími til að prufa eitthvað nýtt

[Jón Ingvar Bragason, 30.11.2008 kl. 13:14]

Það er vissulega gott að fólk sjái farveg fyrir reiði sína en ég hef hins vegar enganvegin skilið þau. Hvað telur fólk að breytist með því að stjórnir seðlabanka og fme fari frá og að kosið sé? Fólk er svo upptekið að leyta að sökudólg að það gleymir að líta sér nærri.

[Sigurður Viktor Úlfarsson, 30.11.2008 kl. 23:50]

Alexander, ef þú ert að tala um ofbeldi og læti þá mun það virka þveröfugt við það sem þú heldur.  Þjóðin mun þjappa sér að baki ríkisstjórninni gegn þeim sem fara þá leið.  Það mun frekar styrkja ríkisstjórnina og fleiri munu halda því fram að nú sé ekki tími til að kjósa.  Friðsöm mótmæli virka þótt það taki auðvitað lengri tíma að fá fram viðbrögð en til þess þarf þátttöku.  Mun meiri en hefur verið undanfarnar helgar.

Jón Ingvar; það sem skilur okkur frá öðrum þjóðum í hinni alþjóðlegu kreppu er að hér hrundu bankarnir allir á meðan þeir voru gripnir af "lánveitanda til þrautarvara" í öðrum löndum.  Ríkisstjórnir og seðlabankar út um alla heim hafa verið að halda bankakerfunum uppi handvirkt undanfarnar vikur.  Hérna gekk það ekki þar sem stærðarhlutfallið milli íslensku bankanna og varasjóðsins sem átti að bjarga þeim var vægast sagt óhagstætt.  Seðlabanki og ríkisstjórn hefur átt að vera búin að tryggja að seðlabankinn, verandi "lánveitandi til þrautarvara" gæti sinnt sínu hlutverki.  Það gat hann ekki þegar á reyndi.  Því er augljóst að seðlabanki í ríkisstjórn klikkuðu hvað þetta snertir.

Eða gerðu þau það?

Ég hef verið að spyrja mig hversu miklu við séum tilbúin að eyða í viðbúnað á hverjum tíma?  Ef einn banki hefði farið á hausinn þá hefði það ekki verið mjög mikið mál og hann hefði verið gripinn af seðlabankanum og/eða hinum bönkunum.  Þarna fóru allir þrír í sömu vikunni auk þess sem alþjóðlegir lánamarkaðir botnfrusu.  Þetta er ástand sem ekki hefur komið upp áður, eftir því sem ég best veit.  Ekkert þolpróf bankanna eða bankakerfisins gerði ráð fyrir þessum aðstæðum og því fór sem fór, við vorum ekki tilbúin.

Ef byggð er brú sem á að þola jarðskjálfta upp á 8 á Richter, en það er mesti skjálfti sem mælst hefur á svæðinu, en svo kemur skyndilega jarðskjálfti upp á 9 á Richter var þá brúin ekki nægilega vel byggð?

Á hinn bóginn...

...var búið að vara stjórnvöld við þessu oft og mörgum sinnum.

Líklega er fólk fyrst og fremst pirrað því Geir hefur komið fram á óvenju hrokafullan hátt undanfarið.  Hann hefur ekki axlað ábyrgð á ástandinu, hann hefur ekki beðið þjóðina einfaldrar fyrirgefningar (sem hefði komið honum langt) og hann hefur einfaldlega komið fram sem vissulega mjög duglegur maður en ekki sem leiðtogi þjóðarinnar á þessum erfiðu tímum.  Það hefur verið svolítið eins og honum hafi fundist þjóðin honum frekar til trafala en hitt.  Þarna hefur hann gert gríðarleg mistök í samskiptum og einfaldlega ekki tekist að þjappa þjóðinni að baki sér.  Þjóðin kallar því eftir öðrum leiðtoga.  Ég held að það vegi þyngst.

[Sigurður Viktor Úlfarsson, 30.11.2008 kl. 23:51]

Ég mæli með því að Guðfinna Bjarnadóttir verði gerð að forsætisráðherra og formanni Sjálfstæðisflokksins.  Hún er leiðtoginn sem við þurfum um þessar mundir.