Ekki hægt að sækja um aðild á næsta kjörtímabili

Þar sem stjórnarskrárbreytingin fór ekki í gegn á þessu þingi þá er ekki hægt að fara í viðræður nema að breyta stjórnarskránni.  Ákveði ný ríkisstjórn að fara í viðræður þá verður hún að breyta stjórnarskránni og boða til nýrra kosninga þannig að tvö þing samþykki breytinguna.

Það er því fræðilega útilokað að sækja um aðild á því kjörtímabili sem hefst í næstu viku.

Sé þetta lykilmál hjá Samfylkingunni þá verða nýjar Alþingiskosningar strax í haust ef þeim tekst að breyta stjórnarskránni, sem ekki er víst.  Það er líka algjörlega óvíst hvort þessir flokkar ná sama kosningasigrinum í þeim kosningum og nú um helgina sem aftur gerir það óvíst að þeir geti staðfest breytinguna á nýju þingi eftir haustkosningarnar.  Ég er því ekki að sjá VG vera tilbúna að slíta komandi þingi neitt á næstunni því þeir munu aldrei endurtaka annan eins sigur og núna.

Ég held að þessi ESB barátta sé töpuð, a.m.k. út næsta kjörtímabil.  Sorrý.

ESB blandar sér í kosningabaráttu

Athugasemdir

[Hrannar Björn Arnarsson, 21.4.2009 kl. 23:24]

Sæll

Það er rétt hjá þér að vegna málþófs Sjálfstæðislfokksins er eina leiðin til að breyta stjórnarskrá sú, að samþykkja breytinguna á tveimur þingum og í millitíðinni þarf að kjósa nýtt þing.

Það er einnig svo að til þess að ganga í ESB þarf að breyta stjórnarskrá og því ljóst að til að innganga verði staðfest þarf að kjósa aftur til þings.

Það er hinsvegar misskylningur að ekki sé hægt að sækja um aðild, ná samningum og mögulega fá slíkan saming samþykktan í þjóðaratkvæðagreiðslu án þess að halda nýjar alþingiskosninar. Sú leið er vel fær ef menn vilja láta á viðræður reyna.

Ef slík leiði yrði farin og samningur samþykktur af þjóðinni væri í kjölfarið hægt að breyta stjórnarskrá til að fullgilda samninginn, boða til þingkosninga og staðfesta stjórnarskrárbreytinguna að nýju þingi kosnu.

Baráttan um að hægt verði að ganga til samninga við ESB strax að loknum kosningum er því fjarri því að vera töpuð. Verði Samfylklingin leiðandi flokkur í næstu ríkisstjórn verður í þessar viðræður farið og samningur lagður fyrir þjóðina - það er mín trú.  Jóhanna Sigurðardóttir forsætisráðherra hefur lýst því sem einu mikilvægasta verkefni næstu ríkisstjórnar.

Það ræðst því á laugardaginn hvort farið verður í viðræður við ESB á næsta kjörtímabili - við þurfum ekki að bíða stundinni lengur !

Baráttukveðjur,

Hrannar Björn

[Sigurður Viktor Úlfarsson, 22.4.2009 kl. 09:14]

Sæll Hrannar,

Finnst þér ekkert óeðlilegt ef ríkisstjórn stofnar til viðræðna um drög að samningi sem ekki stenst með tilliti til stjórnarskrár? 

Ég tel að það væri klárlega á gráu svæði ef ekki biksvörtu.  Umboð ríkisstjórnar til athafna hlýtur að takmarkast af því sem stendur í stjórnarskrá og lögum á hverjum tíma.  Það að hafa frumkvæði að viðræðum um samning við önnur ríki eða ríkjasambönd sem ekki stenst stjórnarskrá hlýtur að vera í meira lagi óeðlilegur gjörningur.

Breytingin á stjórnarskránni hlýtur því að þurfa að koma á undan aðildarviðræðum.  Annað væri mjög óeðlilegt.

Gangi ykkur annars vel á laugardaginn.