Stjórnmálamenn hafa stolið lýðræðinu - Mikil gæfa að hafa sem forseta fagmann sem stendur í lappirnar

Það er mikið gott að Ólafur Ragnar skuli vera forseti, með bein í nefinu og prófessor í stjórnmálafræði til áratuga sem ekki verður svo auðveldlega stungið upp í.  Hann hefur staðið sig vel í því að tryggja að forsetaembættið öðlaðist þann sess sem það raunverulega hefur samkvæmt stjórnarskrá en stjórnmálamenn landsins hafa ákveðið að hundsa þar sem það dregur úr þeirra einræði.

Það er með ólíkindum að á þeim 65 árum sem lýðveldið Ísland hefur verið við lýði hefur engum stjórnmálamanni dottið í hug að setja lög um þjóðaratkvæðagreiðslur.  Það eru ekki til lög um þjóðaratkvæðagreiðslur í landinu!!

Það er líka með ólíkindum, þótt það sé auðvitað í eðlilegu samhengi við annað, að þegar forsetinn vísaði fjölmiðlafrumvarpinu til þjóðarinnar á sínum tíma héldu stjórnmálamenn landsins því fram að hann gæti það ekki.  Þingið, þ.e. þeir sjálfir, réðu þessu EINIR og enginn annar gæti komið að því, ekki einu sinni þjóðin, þeirra yfirmaður.

Það er einnig með ólíkindum að enginn forseti í meira en hálfa öld hafi séð ástæðu til að vísa einu einasta máli til þjóðarinnar þangað til Ólafur gerði það 2004.  Ísland verandi lýðræðisríki þar sem þjóðin (lýðurinn) ræður getur þetta ekki verið eðlilegt.

Oft hafa stjórnmálamenn reynt að lagfæra stjórnarskránna en verandi sú sjálfhvera stétt sem þeir eru hefur það ekki tekist því þá missa þeir spón úr aski sínum.  Þvert á móti hafa þeir sannfært sjálfa sig um að þeir ráði öllu EINIR með því að útiloka að málskotsrétturinn geti staðist, sannfært sjálfa sig um að forsætisráðherra geti einn slitið þingi, bannað þjóðaratkvæðagreiðslur o.s.frv.

Það þarf verulega að taka til í lýðræðiskerfi þjóðarinnar.  Það þarf að vera algerlega á hreinu, ófrávíkjanlegt og jafnframt framkvæmanlegt að ÞJÓÐIN hefur síðasta orðið hafi hún ÁHUGA á því.  Þingið og framkvæmdavaldið sjá um rekstur landsins frá degi til dags en telji þjóðin ástæðu til þá getur hún, eins og aðrir yfirmenn á öðrum vinnustöðum, sagt sína skoðun á málum.  Sú skoðun stendur, þetta er jú lýðræðisríki - hún er yfirmaðurinn - ALLTAF!

Ólafur Ragnar: Vildi upplýsa þjóðina

Ögmundur báðum megin við borðið??

Ætlar Ögmundur sem formaður BSRB þá að semja við sjálfan sig í kjarasamningum?  Hverra hagsmuna ætlar hann að gæta, ríkisins eða stéttarfélaganna?  Ætli hann í heilbrigðisráðuneytið þá verður hann að hætta sem formaður BSRB, það hlýtur að vera óumdeilt.

Hittast kl. 14 í dag

Friðrik Sophusson, Jón Baldvin, Guðfinna Bjarnadóttir fyrrv. rektor, Þór Sigfússon hjá SA...

Möguleikar sem nefndir hafa verið eru t.d. Friðrik Sophusson, Jón Baldvin Hannibalsson, Guðfinna Bjarnadóttir eða Þór Sigfússon hjá SA.  Jafnvel mætti skoða Þórólf Árnason en líklega er æskilegt að viðkomandi hafi meiri reynslu af alþjóðlegum stjórnmálum sem t.d. bæði Friðrik og Jón Baldvin hafa.

„Þurfum öfluga starfsstjórn"

Gleðileg jól!

Gleðileg jól gott fólk!

Ferlið þarf að standa undir þeim miklu væntingum sem til þess eru gerðar

Þetta er fín umræða og mjög þarft verk.  Vel gert hjá Geir og Sjálfstæðismönnum.  Nú verða þeir hins vegar að standa undir þeim miklu væntingum sem til þessa verkefnis eru gerðar.

Ég segi fyrir sjálfan mig að mér finnst vanta að kostirnir og gallarnir séu lagðir á borðið á málefnalegan og öfgalausan hátt.  Eins og Kristján segir hefur þessi umræða verið allt of mikið í skotgröfum þar sem fólk hefur verið stimplað með eða á móti í stað þess að leggja áherslu á málefnin.

Ég treysti ekki Samfylkingunni í þessum málaflokki.  Til þess er hún einfaldlega búin að fjárfesta pólitískt allt of miklu í honum.  Þetta hefur í mörg ár verið sérstaða Samfylkingarinnar í íslenskum stjórnmálum og ef hún myndi leiða viðræðurnar við ESB þá mætti samningurinn vera ansi slæmur til að þeir myndu ekki samþykkja hann.  Ef innganga í ESB gengi ekki hvað yrði þá um Samfylkinguna og allt sem hennar forystumenn hafa dásamað í mörg ár?  Samfylkingin væri mjög laskaður flokkur, svo ekki væri meira sagt.

Sjálfstæðismenn eru í miklu betri aðstöðu til að taka málefnalega afstöðu.  Þeir hafa verið gagnrýnir á aðild og verða það vonandi áfram.  Verði farið í aðildarviðræður vil ég að forsvarsmenn hennar verði ekki eins og lömb í háu ljósunum þegar þeir koma til Brussel. 

Brussel veit nákvæmlega hvaða íslensku stjórnmálamenn eru veikir fyrir gagnvart Brussel og þeir vita t.d. nákvæmlega að stjórnmálaferill Ingibjargar er miklu viðkvæmari en ferill Geirs fyrir því ef ákveðið verður að hafna aðild.  Þess vegna er mjög mikilvægt að já-fólkið verði ekki sett í aðildarviðræðurnar ef til þeirra kemur.

Evrópunefndin ekki einhliða

Priceless!

Ómar Valdimarsson sýnir á bloggi sínu "auglýsingu" fyrir krónuna frá Seðlabankanum...Priceless!!!

 

14 karlar á myndinni en 1 kona

Hvað veldur því að á myndinni eru 14 karlar en einungis ein kona?  Þetta virðist vera mynd skotið tiltölulega handahófskennt yfir salinn í HR.  Reyndar sjást ekki hliðarvængir salarins og því mögulegt að allar konurnar sitji þar en ekki fyrir miðju.  Það væri hins vegar athyglisvert að heyra í einhverjum sem var á fundinum hvort hlutfallið hafi verið 1 á móti 14?  Það er verra en 14 - 2 hér um árið.

Ef þetta er raunin þá ætti fáum að koma á óvart að meira sé rætt við karla en konur í fjölmiðlum varðandi pólitísk málefni.

Ísland gæti keppt um að verða 28. ríki ESB

Afarslök fréttamennska Stöð 2 og Vísis

Frétt Stöðvar 2 og Vísis af kostnaði við rekstur forsetaembættisins er ótrúlega ófaglega skrifuð og uppfull af neikvæðri tilfinningahlaðinni orðræðu þar sem kappkostað er að varpa neikvæðu ljósi á þessar tölur.  Fjölmiðill sem vill láta taka sig alvarlega sendir ekki svona frá sér.

Forsetaembættið mótmælir frétt

Hörður góður

Hörður er búinn að standa sig vel í þessu undanfarnar vikur.  Enginn efast um heilindi hans þegar kemur að mannréttindum og skoðunum.  Enginn telur hann ganga erinda einhvers annars en hans eigin skoðana.  Hann er friðelskandi og hefur staðið sig listavel í því að halda mótmælunum á friðsömum nótum.  Fyrir það á hann alla mína aðdáun og stuðning.

Auðvitað hafa þessi mótmæli áhrif á ríkisstjórnina.  Þau eru vissulega að skapa pressu þótt hún sé auðvitað ekki eins mikil og ef almennilegur fjöldi fólks myndi mæta þarna.  Til dæmis jafn margir og mæta á Gay Pride eða Menningarnótt. 

Þeir sem eru reiðir og hafa þörf fyrir að standa upp og mótmæla fá útrás fyrir það þarna á íslenskan, friðelskandi siðmenntaðan máta.  Það er mjög mikilvægt og Hörður á líklega stóran þátt í því að ekki hefur soðið upp úr í íslensku samfélagi þar sem honum hefur tekist á sinn einlæga og fordómalausa hátt að halda hinum reiðu á siðmenntuðu nótunum en samt gefið þeim tækifæri til að vera virkir í baráttunni.  Annars hefði hugsanlega einhver annar leiðtogi með önnur og verri markmið virkjað fjöldan með sér.  Það er ekki ólíklegt að með því hafi Hörður jafnvel bjargað mannslífum undanfarnar vikur.  Vonandi verður svo áfram.

Segir góða stemningu á mótmælafundi

Óskiljanleg grein

Er ég bara svona vitlaus eða stemmir þetta ekki?

Eignir Landsbanka duga ekki fyrir Icesave