Hvað er afskiptahraði?

Hvað er afskiptahraði?  Er ekki nóg að hafa einn hámarkshraða?  Af hverju hefur lögreglan ekki bara afskipti ef hraðinn er kominn upp fyrir hámarkshraða?  Það á að vera skýrt hvenær þú ert að brjóta lögin og hvenær ekki og löggan á að taka þig ef þú ert á 62 km hraða þar sem hámarkshraði er 60.  Þá væri sektin bara ca. þúsund kall á kílómetra en hækkaði síðan eftir því sem ofar dregur.

Þetta var leiðin sem Giuliani fór þegar hann var borgarstjóri í New York.  Gerði það skýrt hvenær fólk var að brjóta lög og hvenær ekki.  Á meðan það eru ekki lögin sem skipta máli heldur einhverjar óskráðar reglur augnabliksins þá mun fólk aldrei fara eftir þeim.  Svo einfalt er það.

Flestir á löglegum hraða í Hvalfjarðargöngum

Athugasemdir

[Brjánn Guðjónsson (IP-tala skráð) 15.11.2007 kl. 16:17]

Er ekki afskiptahraði sá hraði sem er utan við skilgreind skekkjumörk?

Nú er svo að bæði ónákvæmni hraðamælis sem og frávik á stærð hjólbarða, setur strik í reikninginn. T.d. hefur mér fundist sem hraðamælirinn í mínum bíl sýni ca 4 Km hærri hraða en bíllin er í raun á. Þetta gæti líka verið á hinn veginn. Það yrði heldur spælandi að vera tekinn á 94 Km hraða, þar sem hámarkshraði er 90 Km, þegar mællirinn sýnir 90 Km.

[Sigurður Viktor Úlfarsson, 15.11.2007 kl. 16:35]

Jú, væntanlega er þetta eitthvað svoleiðis, þ.e. að rannsóknir sýni að hraðamælirinn í lögreglubílnum skeiki í 99,9% um minna en ákveðna prósentu.  Þú þurfir síðan að vera yfir þeirri prósentu til þess að hægt sé að taka þig á grundvelli mælingarinnar.

Hvað mælirinn í bílnum manns sjálfs áhrærir þá hlýtur það að vera á ábyrgð eiganda að hann sé réttur.  Þess vegna þarf að stilla hann ef sett eru dekk af breyttri stærð undir bílinn.

Hvert er þetta frávik?  Það væri athyglisvert að vita það?