Mogginn og 24 stundir sameinuð í fríblað innan 5 ára!

Ég spái því að Mogginn og 24 stundir verði sameinuð í eitt fríblað - Morgunblaðið - innan 5 ára. 

Nýja kynslóðin kann ekki að borga fyrir dagblöð heldur koma tekjur af auglýsingum.  Nú er verið að byggja upp lesendahóp 24 stunda á meðan lesendahópur Moggans minnkar, m.a. vegna þess að áskrifendurnir eru komnir á aldur.  Það getur ekki endað með öðru en að hóparnir og blöðin renni saman í eitt.  Ég spái því að það gerist innan 5 ára.

Ólafur nýr ritstjóri

Athugasemdir

[Kolbeinn Karl Kristinsson, 23.4.2008 kl. 17:30]

Algjörlega ósammála þér :)

Það er enn hægt að selja tónlist þrátt fyrir að hægt sé að fá hana fría og tónlistarbransinn hefur aldrei verið í jafn miklum blóma, bækur seljast ennþá þrátt fyrir að margir haldi því fram að bækur séu að syngja sitt síðasta.

Staðreyndin er bara sú að þeir sem halda því fram að þróun núverandi kynslóða verði mikið öðruvísi í þróun en núverandi eldra fólk man bara ekki eftir því þegar það var unglingar. 

Þetta er eins og þegar fólk talar um að nú sé íslenskan bara að leggjast út af út af þessu unga liði sem talar bara í enskuslettum en gleymir því að það talaði sjálft í dönskuslettum á sínum tíma. Mörgum finnst alltaf eins og komandi kynslóðir séu að fara á mis við mikivæga hluti sem muni leggjast út af og vissulega gerist slíkt í ákveðnum einangruðum atvikum en of miklar fullyrðingar verður að passa.

Ég les ekki moggann mikið enda fátækur námsmaður sem tek það sem ég fæ ódýrast en málið er að ég verð ekki alltaf ungur blankur námsmaður því einhverntíman mun ég þroskast, fara út í atvinnulífið og byrja að fletta mogganum yfir heitum kaffibolla og ristuðu brauði líkt og mamma mín og pabbi gera og mamma þín og pabbi gerðu. 

 Hittumst hér eftir fimm ár og berum okkur saman :D

[Sigurður Viktor Úlfarsson, 23.4.2008 kl. 17:39]

Ég spái því að þetta verði þróunin.  Lestur Moggans hefur dregist verulega saman undanfarin ár og áskrifendum fækkar.  Eftir því sem 24 stundir og Fréttablaðið verða betri og betri þá verður minni munur, hvað snertir gæði, milli þeirra og áskriftarblaðsins Moggans.  Sá munur mun minnka og minnka nema Moggamenn geri eitthvað mjög öflugt.  Þegar munurinn verður orðinn of lítill þá einfaldlega hætta menn að vera áskrifendur vegna þess að þeir telja sig ekki vera að fá nóg fyrir peninginn.