Mjög gott mál

Það er mjög gott mál að erlendir bankar komi að rekstri bankanna.  Hugsanlega mætti skilja einn banka eftir í eigu ríkisins eitthvað til að byrja með.  Það gæti til dæmis verið Glitnir þar sem hann er minnstur.

Það myndi skipta gríðarlegu máli fyrir íslenskt samfélag að fá þessar stóru fjármálastofnanir í lið með okkur.  Þeir hafa sömu hagsmuni og við og því um að gera að virkja þá með okkur í baráttunni.

Erlendir vilja eiga banka

Athugasemdir

[Haraldur Hansson, 16.11.2008 kl. 11:46]

Má vera að þetta sé allt saman mjög fínt. En við megum ekki líta svo á að stórir erlendir bankar komi hingað og reddi okkur af því að þeir séu svo góðir. Þeir hljóta að sjá eitthvað við íslensku bankana sem hægt er að hagnast á.

Bendi á hugmyndir þeirra í síðari hluta fréttarinnar að það þurfi áframhaldandi stóriðju og til þess þurfi að virkja. Hvers vegna skyldu þeir vera að tjá sig um það á þessu stigi?

[Sævar Grímsson (IP-tala skráð) 16.11.2008 kl. 12:36]

Þetta líst mér mjög vel á að erlendir aðilar komi að rekstri bankanna .það verður allavega reynsla og þekking í að reka banka og að sjálfsögðu hagnaðar von hvað annað ætti það að vera.Þeir gætu koma til með að redda okkur með trúverðuleika og aðgengi að öðrum gjaldeiri.Þeir sem ráku bankanna fyrir hrun  gerðu það í óðahagnaðarvon ,en svo fór sem fór.Ég tel að líkur á að það endurtaki sig séu hverfandi .Það er með ólíkindum hvað það fer illa í suma að tala um uppbyggingu atvinnulífs ,ef það eru stórfyrirtæki sem eiga hlut að máli.Við íslendingar höfum hreinlega ekki efni á því að vera með stærilæti eða rembing við þurfum að hlusta á öll möguleg úrræði , þar sem við erum búin að tapa 40% af þjóðar tekjum undan farinnar ára

[Sigurður Viktor Úlfarsson, 17.11.2008 kl. 00:48]

Þeirra hagsmunir liggja í því að þeir eiga kröfur í þrotabúið upp á hundruðir eða þúsundir milljarða.  Til þess að geta komið þeim kröfum í verð þurfa þeir að auka virði bankanna og koma þeim í fulla sveiflu.  Þeir hafa því ríka hagsmuni til að koma efnahagslífinu í gang aftur.

Hvað stóriðjuna áhrærir minntust þeir á hana sem dæmi um málaflokk sem þyrfti á öflugum lánalínum og öflugu bankakerfi að halda.  Þeir auðvitað taka engar ákvarðanir þar um en öflugt bankakerfi er forsenda frekari uppbyggingar í þessum málaflokki og fleirum.  Það er engin ástæða til að túlka þau ummæli eitthvað dýpra.