Er enginn að tala okkar máli? Sjálfbærar veiðar ekki í lagi ef þeir eru flottir

Er enginn að tala okkur máli í þessum hvalveiðimálum öllum? 

Ábyrgar sjálfbærar veiðar 

Við erum að reka ábyrgar og sjálfbærar veiðar á tegundum sem synda um Norður-Atlantshafið í tugþúsundatali.  Rökin gegn hvalveiðum eru því ekki þau að þær séu ekki sjálfbærar eða ábyrgar.

Tilfinningarök 

Einhverjir eru búnir að bíta það í sig að hvalurinn eigi að vera á einhverjum öðrum stalli en önnur dýr, n.k. heilgara kýr eins og á Indlandi, og því megi ekki "skerða hár á höfði hans".  Vegur þar stærð þeirra og mikilfengleiki þungt.  Það er auðvitað mjög erfitt að ætla að bregðast við slíkum málflutningi.  Engu að síður er mikilvægt að það sé gert.  Hvalurinn er hvorki rétthærri né réttlægri en önnur dýr á plánetunni og því er eðlilegt að hann sé nýttur svo lengi sem það er gert á ábyrgan og sjálfbæran hátt eins og með önnur dýr.

Aðgerðir 

Nú þyrfti sendiráðið í Þýskalandi, Arthúr Björgvin og fleiri snillingar að leggjast yfir það hvernig hægt sé að koma okkar sjónarmiðum að í þýskum fjölmiðlum.  Það er ekki auðvelt og gegn töluverðri öldu að fara en engu að síður mjög mikilvægt.

Hvað með þorskinn? 

Hvað gerist þegar einhverjum dettur í hug að setja fram ofangreind tilfinningarök um þorskinn?  Eigum við þá að lufsast niður líka og segja "Allt í lagi"?  Kosturinn við þessa hvalaumræðu er sá að það er a.m.k. ekki verið að tala um þorskinn á meðan.

Sniðganga íslenskar vörur

Athugasemdir

[óskar holm (IP-tala skráð) 3.3.2009 kl. 05:02]

sæll,

allt rétt og satt sem þú segir en þú minnist ekki á ein helstu rök hvalafriðunarsinna: að hvalveiðar séu ómannúðarlegar veiðar því drápið tekur svo langan tíma og einn skutull, jafnvel ekki sprengiskutull, nægir oft ekki.

ég er hlynntur hvalveiðum, en okkar málstaður verður að eiga góð svör við þeim mótrökum.

--

óskar

[Sigurður Viktor Úlfarsson, 4.3.2009 kl. 18:27]

Samkvæmt vef sjávarútvegsráðuneytisins þá deyr dýrið strax.  Ég sel það ekki dýrar en ég keypti það.  Ég er hins vegar sammála þér að ef þessi rök eru í gangi þá þarf auðvitað að svara þeim eins og öðrum.