Ákvörðunarferlið um ESB sem flestir flokkar eru orðnir sammála um

Þetta er ekkert flókið ferli.  Það eru allir flokkar sammála um ferlið, nema reyndar Samfylkingin sem vill fara beint í lið 3a og þaðan í 4a.  Þeir munu þurfa að beygja sig undir vilja hinna flokkanna.

Ferlið verður eftirfarandi og virkar ágætlega:
1. Þingið samþykkir þær forsendur sem við leggjum til grundvallar aðildarsamningum og breytir stjórnarskránni þannig að hægt sé að ganga í málið.
2. Þjóðin greiðir atkvæði um það hvort fara eigi í aðildarviðræður á þeim forsendum sem Alþingi samþykkti.

3a. Ef þjóðin segir já: Aðildarviðræður.
3b. Ef þjóðin segir nei: Ekki aðildarviðræður.

4a. Þjóðin greiðir atkvæði um niðurstöðu aðildarviðræðna.

5a. Ef þjóðin segir já: Inngönguferli í ESB hefst.
5b. Ef þjóðin segir nei: Þingið tekur ákvörðun um hvort fara eigi aftur í aðildarviðræður miðað við upphaflegar forsendur og stefna á að ná betri samningum sem þjóðin samþykkir (aftur í 3a) EÐA hvort bakka út úr aðildarviðræðum (aftur í 3b).

Þetta er ekki flókið.

Athugasemdir

[Jón Valur Jensson, 30.3.2009 kl. 22:28]

Þetta fáránlega, óumbeðna "ferli" virkar ekkert "ágætlega", Sgurur, heldur eru þetta vélar manna, sem láta sér ekki nægja að sjá andstöðu þjóðar sinnar við sjálfstæðisframsal, heldur halda alltaf áfram eins og rjúpan við staurinn, enda eru sumir þessara aðila trúlega búnir að þiggja mútuferðir og þjónustu sem er allt eins siðspillt og lúxusboðsferðir hinna leiðitömu í lífeyrissjóðageiranum.

Hrindum af höndum okkar erlendri ásælni í hvaða mynd sem er, allir góðir Íslendingar.

[Sigurður Viktor Úlfarsson, 31.3.2009 kl. 12:34]

Í lið 3 tekur þjóðin ákvörðun um það hvort hún vill þetta eða ekki miðað við gefnar forsendur.  Þjóðin ræður.  Það er lýðræðið.

[Jón Valur Jensson, 31.3.2009 kl. 13:20]

Það er þarna sem þú feilar í málinu, Sigurður!