Maður setur ekki eina akrein í einu í umhverfismat á fjögurra akreina vegi!

Auðvitað á að gera heildstætt umhvefismat á þessari framkvæmd.  Ef þú ætlar að gera fjögurra akreina veg þá setur þú ekki eina akrein í umhverfismat í einu og færð það út að slíkur einnar akreina vegur hafi óveruleg umhverfisáhrif.

Markmiðið er að setja allt upp á borðið þannig að þegar ákvörðun verður endanlega tekin þá sé hún tekin meðvitað.

Gott Þórunn, stattu í lappirnar í þessu máli.

Ákvörðun ráðherra kom mjög á óvart

Þrjú mál sem gætu breytt borginni okkar í grundvallaratriðum

Hér að neðan er afrit af tölvupósti sem ég sendi Gísla Marteini, Hönnu Birnu og Kjartani Magnússyni borgarfulltrúum auk Ellýjar Katrínar Guðmundsdóttur 3. júní síðastliðinn.  Hef reyndar ekki fengið nein viðbrögð en vonandi komast þessar hugmyndir í bunkann.

 

############################################################################

 

Sæl öll, 

Ég vil minnast á þrennt sem ég tel að gæti breytt borginni okkar í grundvallaratriðum:

 

1.       Miklabraut í tveggja hæða stokk frá Grensásvegi að Þjóðminjasafni.

2.       Bílastæði við nýbyggingar – Þörf á breytingu á reglum.

3.       Orkuveita Reykjavíkur taki yfir Strætó Bs. og verði falið að leggja drög að heildstæðu almenningssamgangnakerfi frá Borgarfirði til Reykjavíkur, út á Reykjanes og austur á Hvolsvöll.

 Miklabrautin

1.       Förum alla leið - Ég bý við Miklubrautina og er sannfærður um að leggja ætti hana í stokk alla leið frá Grensásvegi að Þjóðminjasafninu vestur undir Suðurgötu.  Vegalengdin þarna á milli eru einungis 4-5 kílómetrar sem er röskur helmingur af lengd Hvalfjarðarganga sem Akurnesingar fara í gegnum alla daga á leið til vinnu í Reykjavík og þykir ekki tiltökumál.

2.       Lóðrétt – ekki lárétt: Með því að hlaða akbrautunum hvorri ofan á aðra væri hægt að einfalda verulega alla aðreina og fráreinahönnun til og frá Miklubrautinni.  Plássfrek og dýr mislæg gatnamót og slaufur væru úr sögunni þar sem hægt væri að komast inn í göngin og út úr þeim frá báðum hliðum, bæði úr norðri og í norður og úr suðri og í suður.  Þetta myndi spara verulegt land og fjármuni sem annars færi undir slaufur en auðvitað væru göngin dýrari á móti þar sem farið væri dýpra.

3.       Ný Reykjavík! - Þetta yrði að sjálfsögðu mjög dýr aðgerð en í staðinn fengist gríðarmikið bygginga- og skipulagningarland sem nú fer undir núverandi Miklubraut.  Slagar líklega upp í Vatnsmýrina að stærð!  Hvassaleitið og Álftamýrin rynnu saman í eitt hverfi, Hlíðarnar myndu sameinast, Vatnsmýrin næði alla leið að Skólavörðuholti o.s.frv.  Gjörbreytt Reykjavík með hjólastígum og skemmtilegheitum ofanjarðar.

4.       Minni mengun – Miklabrautin milli Kringlumýrarbrautar og Lönguhlíðar er mengaðasti staður í Reykjavík því þar eru bílar annað hvort bíðandi, hægjandi á sér eða í hröðunarferli.  Með því að hafa göng alla leið frá Grensásvegi að Þjóðminjasafni myndu bílarnir keyra á jöfnum hraða alla leiðina eða þangað sem þeir ætluðu út úr göngunum.  Engin umferðarljós – engin stopp og því engin hröðun eða bremsun.  Þetta myndi draga verulega úr eldsneytisneyslu, mengun og útblæstri gróðurhúsalofttegunda í Reykjavík.

 Bílastæði við nýbyggingar

1.       Það vantar að setja það í reglugerð að ný hús verði „sjálfbær“ með tilliti til bílastæða.

2.       Mér finnst með ólíkindum árið 2008 að það skuli ekki vera miklu strangari reglur varðandi það að þegar stórar nýbyggingar eru byggðar þá skuli byggingaraðila skylt að koma fyrir neðanjarðarbílastæðum sem taki megnið af þeirri umferð sem áætluð er í tengslum við hina nýju byggingu.  Það væri athyglisvert að mæla flatarmál bílastæða í borginni og reyna að meta verðgildi þess lands sem fer undir malbikuð bílastæði.

a.       Til dæmis er Laugardalurinn skelfilegt dæmi.  Stærra hlutfall Laugardalsins er grátt steinsteypubílastæði en grænt.  Hvernig verður þetta við nýja hús Háskólans í Reykjavík?  Á að dreifa bílum um alla Öskjuhlíðina eða hverfa þeir ofan í jörðina?  Hvernig verður þetta við nýja Háskólasjúkrahúsið eða samgöngumiðstöðina?  Allt hús með þúsundum manna daglega og þúsundum bíla á mjög verðmætum svæðum sem væri fullkomin synd að setja undir malbikuð flöt bílastæði.

 Strætó til Orkuveitunnar

1.       Heilstætt skipulag almenningssamgangna á stór-höfuðborgarsvæðinu - Svæðið frá Borgarfirði, út á Reykjanes og austur á Hvolsvöll er orðið eitt stór-höfuðborgarsvæði.  Eitt atvinnusvæði þar sem fólk býr og keyrir á milli.  Því þarf að setja fram heildstætt almenningssamgangnakerfi til 20-40 ára fyrir allt þetta svæði þar sem lögð yrði áhersla á að nýta allar leiðir; neðanjarðarlestir, ofanjarðarléttlestir, strætó, rútur, hjól o.s.frv.

2.       Sveitarfélögin munu ekki gera þetta - Á þessu svæði er fjöldinn allur af sveitarfélögum með mismunandi flokka við stjórnvölinn á hverjum tíma og mismunandi fjárráð.  Öll þessi sveitarfélög munu aldrei ná saman um að framkvæma þetta og fjármagna. 

3.       Orkuveitan getur þetta - Ég sé engan annan aðila en Orkuveitu Reykjavíkur sem er starfandi á öllu þessu svæði og hefur á að skipa mikilli þekkingu á logistic.  Það væri win-win að draga saman verkfræðinga Strætó Bs. og verkfræðinga Orkuveitunnar í eitt þekkingarteymi tengdu logistic, umhverfisvænum orkugjöfum o.s.frv.  Almenningssamgöngur eru í raun veitustarfsemi.  Í stað þess að hafa vatn í rörunum ertu með fólk og miðlar því frá öllum húsum á svæðinu til allra húsa á svæðinu.

4.   Auðveld sameining – OR rekur í dag á annað hundrað bíla og er með 650 manns í vinnu.  Það að bæta við 150 starfsmönnum Strætó Bs. (OR er með um 200 sumarstarfsmenn) og hundrað strætisvögnum er ekki fyrirstaða.  Pláss er fyrir þá á Bæjarhálsinum og nýtt geymslusvæði strætó er aðeins í 2-3 mínútna fjarlægð.

5.       Grettistak almenningssamgangna – Það þarf fjársterkan aðila eins og OR til að rífa almenningssamgöngur á þessu svæði upp, úr því fari sem það er í núna og upp á alveg nýtt plan.  Setja ætti sér MJÖG metnaðarfull markmið og gera ráð fyrir því að greiða með rekstrinum næstu 15-20 árin.  Þegar markaðshlutdeild hans er orðin 20-30% þá er allt annað landslag en í dag.  Gefa ætti tímabundið frítt í strætó til ca. 15 ára sem hluta af uppbyggingarstarfinu með það að markmiði að ala upp almenningssamgangnakynslóð.  Strætó getur háð samkeppni við bíla númer 2 og 3 á heimilum.  Í staðinn fá heimilin árlega 700 þúsund krónur skattfrjálst pr. bíl í auknar ráðstöfunartekjur en rekstur á bíl kostar að lágmarki 700 þúsund á ári. 

 

Vonandi geta þessar hugmyndir komið að gagni.  Gangi ykkur vel í því sem þið eruð að fást við.

 

Kveðja,  Sigurður Viktor Úlfarsson
Sími: 6176821 

Ekki-frétt Kastljósmanna

Umsóknin var því tekin fyrir um leið og hinar í bunkanum.  Ég get ekki með nokkru móti séð að þarna hafi verið um einhverja flýtimeðferð að ræða.  Til þess hefði þurft að bæta við úthlutunardegi á milli þessara venjubundnu 6 mánaða millibils og það var ekki gert.

Þetta mál var allan tímann stormur í vatnsglasi og fáránlegt hvað Kastljós hjakkaðist á þessu á sínum tíma og einkennileg tilviljun að það var rétt fyrir kosningar.  Þetta var svona hálfgerð maníufréttamennska þegar fréttamaðurinn hangir á málinu og mjólkar það þótt það sé hvorki fugl né fiskur.

Tekið fyrir tvisvar á ári
Málið hefur algerlega snúist um tímann, þ.e. hvort umsókninni hafi verið hraðað eða flýtt í gegnum kerfið.  Það kom fram í umræðunni á sínum tíma að farið væri í gegnum þessi mál tvisvar á ári.  Ef þú sóttir um stuttu áður en fara átti yfir bunkann þá kæmist þú eðlilega hratt í gegn.  Ef þú sóttir um stuttu eftir að búið væri að fara yfir bunkann þá þurftir þú að bíða fram að næstu úthlutun, þ.e. í 6 mánuði.  Ef sá einstaklingur fékk neitun af einhverjum ástæðum þá þyrfti hann að bíða í aðra 6 mánuði, þ.e. fram að þarnæstu úthlutun.

Almenna reglan var því að fólk væri að bíða frá einhverjum vikum upp í 6 mánuði, nema ef það fékk neitun, einhver gögn vantaði o.s.frv. þá gátu mánuðirnir orðið tólf.

Stelpan sótti um einhverjum 10 dögum áður en farið var yfir bunkann.  Tengdó er lögfræðingur og ráðherra og veit því nákvæmlega hvaða gögn þurfa að liggja til grundvallar og hefur leiðbeint stelpunni þannig að málinu yrði ekki hafnað á grundvelli þess að einhverjar upplýsingar vantaði.  Málið var því tekið fyrir með öllum hinum málunum í bunkanum á sama tíma og öll hin málin.

Krefjast miskabóta upp á 3,5 milljónir króna

Förum alla leið - Gerum höfnina að hluta miðbæjarins!

Hafnarhverfi frá Tónlistarhúsi í Ánanaust

Það er engin spurning að fara á með stokkinn alla leið út í Ánanaust.  Þá erum við allt í einu komin með glæsilegt bryggjuhverfi sem nær frá tónlistarhúsinu vestur í Ánanaust og frá höfninni og langt inn í bæ.  Höfnin er þá orðin hluti af miðbænum eins og t.d. Nyhavn í Kaupmannahöfn með kaffihúsum og notalegum svæðum við höfnina laus við hraðbraut sem klýfur bæinn í tvennt.  Þurfum reyndar að losa okkur við víggirðinguna við höfnina sem mér skilst að sé þarna út af einhverjum Evrópustöðlum eða Schengen-reglugerðum.

Tengjum suður-Reykjavík við Norður-Reykjavík

Það sama á við um Miklubrautina.  Við eigum að koma henni í stokka alla leið FRÁ GRENSÁSVEGI AÐ SUÐURGÖTU.  Stokkurinn á að vera lóðréttur, þ.e. önnur akreinin ofan á hinni þannig að auðvelt sé að komast inn í stokkinn og út úr honum frá báðum hliðum.  Þannig tengjum við saman Álftamýrina og Hvassaleitið, tengjum Hlíðarnar saman, Skólavörðuholtið og Vatnsmýrina o.s.frv. og endurheimtum 33 hektara af landi auk þeirra lífsgæða sem fólgin verða í því að tengja saman þessi hverfi.

Stokkur á Geirsgötu mun bæta samgöngur

18 milljarðar voru lagðir til hliðar vegna spítalans við sölu Símans

Þegar síminn var seldur voru 18 milljarðar af kaupverðinu eyrnamerktir nýja spítalanum.  Nú er ráð að nota þá þegar tekjurnar hafa minnkað.

Fjármagnið er því ekki tekið af öðru.

 

Það sama á við um Sundabraut en 15 milljarðar voru settir í vegamál og Sundabraut sérstaklega tilgreind.

 

Sjá listann hér: http://www.mbl.is/mm/frettir/innlent/2005/09/06/storum_hluta_andvirdis_simans_varid_til_ad_greida_n/ 

Frestun ekki inni í myndinni

Er USA tilbúið fyrir svartan forseta - Geta þau verið bæði í Hvíta húsinu á sama tíma?

Fyrir fáum árum var hart sótt að Colin Powell að bjóða sig fram til forseta. Hann sagði þá þau fleygu orð að Bandaríkin væru bara ekki tilbúin fyrir svartan forseta. Ætli hann hafi ekki hreinlega búist við því að verða skotinn og þessum gamla hermanni fannst það ekki spennandi svona á gamalsaldri.

Nú eru Bandaríkjamenn a.m.k. búnir að sanna að þeir eru tilbúnir fyrir svartan forsetaframbjóðanda. Það á síðan eftir að koma í ljós hvort hann mun lifa af kosningabaráttuna, bæði í eiginlegri merkingu og stjórnmálalegri, því það er alveg ljóst að það eru ekki allir sáttir við þessa þróun þarna vestra. Það er líka áberandi munur milli fylkja, þ.e. hvar Hillary vann og hvar Obama vann. Þetta eru spennandi tímar í sögu Bandaríkjanna.

Það getur hins vegar orðið tvíbennt sverð að hafa Hillary sem varaforseta. Hún myndi klárlega trekkja að í baráttunni og þau myndu rústa McCain en það að hafa “tvo forseta” (og í raun þrjá með Bill) í Hvíta húsinu á sama tíma, veltur algerlega á Hillary hvort hún er fær um að vera númer tvö. Tekst Obama að vera nægilega dóminerandi eða verða þau einhvers konar jafningjateymi? Hún hefur svosem reynslu af að vera í aftursætinu frá því hún var forsetafrú en það hefur mikið vatn runnið til sjávar á hennar stjórnmálaferli síðan.  Nema henni finnist bara fínt að geta verið að vinna á bakvið tjöldin sem varaforseti í stað þess að þurfa að mæta hér og þar verandi forsetinn.  Vangavelta....

Obama heitir Ísrael stuðningi

Er það frétt að næturklúbbur einhvers staðar í Las Vegas útnefni einhvern "faðir ársins"?

Er það frétt að næturklúbbur einhvers staðar í Las Vegas útnefni einhvern "faðir ársins"?

Hvað ætli margir aðilar út um allan heim; næturklúbbar, félagasamtök, fyrirtæki, stjórnvöld o.s.frv. útnefni marga á ári í alls konar svona hluti?  Er þetta frétt hérna í 10 þúsund kílómetra fjarlægð?

Federline útnefndur „faðir ársins“

Bjössi friðaður! - Ekki Skagfirðingar!

Undarleg umræða.  Þarna var ísbjörn á leið í áttina að fólkinu.  Það þurfti því að velja á milli hans og fólksins.  Átti að láta hann vaða á hópinn á þeim forsendum að Bjössi væri friðaður en ekki Skagfirðingar?  Þetta er fáránleg umræða.

Hins vegar eins og umhverfisráðherra segir er mikilvægt að lögregluembætti á Norðurlandi séu græjuð til að takast á við svona gesti.  Þeir hafa átt leið hérna í gegn í aldir og ekki ástæða til annars en að vera klár í slaginn.

„Skaðar alþjóðlega ímynd landsins"

Gott Gísli!

Frábært!  Meira svona!  Guð gefi það að við förum að sjá eitthvað jákvætt frá meirihlutanum.  Við getum ekki lifað tvö ár í viðbót í þessu ástandi sem verið hefur undanfarið ár.  Það á enginn það skilið, hvorki íbúarnir né borgarfulltrúarnir sjálfir.

Ósabraut ekki fyrir bíla?

Enn ein atlagan að orkuútrásinni

Litlir stjórnendur geta ekki haft stóra undirmenn, þær gætu skyggt á þá.  Borgarfulltrúar Reykjavíkurborgar hafa sýnt það í vetur að þeir eru ekki miklir að burðum.

Það velkist enginn í vafa um að Guðmundur Þóroddsson er arkitektinn að Orkuveitunni eins og hún er í dag, þeim breytingum og þeim krafti sem leystur hefur verið úr læðingi á einungis tíu árum.  Fyrirtækið hefur þróast með ótrúlegum krafti úr gömlu veitunum í eitt framsæknasta orkufyrirtæki veraldar.

Það að borgarstjórnarfulltrúar Sjálfstæðisflokksins skuli nú hafa rekið Guðmund er enn einn nagli í líkkistu orkuútrásarinnar eða þess sem eftir er af henni eftir klúður þessa sama hóps í haust sem leið.  Eigi þeir skömm fyrir.  Ætlar þetta klúðurkjörtímabil aldrei að taka enda?

Hjörleifur núverandi forstjóri er vissulega góður maður og fær og vonandi að hann fái að halda áfram störfum.  Hann þarf hins vegar að gæta þess að þær hugmyndir sem hann fær séu nægilega smáar fyrir borgarfulltrúana.  Það er ekkert sem fær mig til að halda að núverandi borgarfulltrúar flokkanna séu hættir að klúðra því sem þeim var treyst fyrir.

Guðmundur hættir hjá OR og REY