Hvern er verið að vernda?

Út á hvað ganga þessi mál?  Er þetta siðgæðismál, vinnuverndarmál, sakamál eða hvað?  Hvað er verið að banna?

Ef þetta er siðgæðismál þá hlýtur dans í opnu rými að vera eins bannaður og í lokuðu rými.

Ef þetta er vinnuverndarmál þá hlýtur þetta að ganga út á að tryggja að viðskiptavinurinn geti ekki misnotað sér aðstöðu sína án þess að starfsmaðurinn geti kallað á hjálp.

Ef þetta er sakamál þá eru engin lög sem banna dans.

 

Reynslan sýnir hins vegar í öðrum löndum að svona starfsemi fylgja alls kyns vandræði og því má færa rök fyrir því að það séu raunverulegir hagsmunir samfélagsins að lögregla hafi aukið eftirlit með þessari starfsemi.  Sú þörf virðist vera uppfyllt samkvæmt dómnum sem og vinnuverndarþörfin sem minnst var hér að ofan.

Er þá einhver ástæða til að vera að fetta fingur út í þetta?

Eigandi Goldfinger og dansari á staðnum sýknuð

Umferð skipa í gegnum fiskimiðin

Hvað með aðföng?  Viljum við að olíuskip sigli frá Rússlandi til Vestfjarða í gegnum öll fiskimið Norðurlands og síðan með hreinsaða olíu niður með Vesturlandi og austur með Suðurlandi til Evrópu?  Síðan þarf auðvitað að losa sig við úrganginn.  Hver vill fá hann siglandi í gegnum fiskimiðin?  Þetta er ekki gott mál þegar olía er á undanhaldi í heiminum.  Reisum þarna vetnisverksmiðju.  Næg er fallhæð fossa á Vestfjörðum.

Bæjarstjóri Ísafjarðar fylgjandi olíuhreinsistöð

Hvað ætli mörg þeirra séu með Ipod?

Mótmæla neyslumenningunni!

Hvað ætli mörg þeirra séu með Ipod?

 Það er hins vegar gott að það sé til fólk sem er tilbúið að berjast fyrir einhverju svo lengi sem það heldur sig innan ramma laganna.

Stóriðju og neyslumenningunni mótmælt

Höfuðstöðvar Alcoa til Íslands!

Fáum höfuðstöðvar Alcoa til Íslands.  Gefum þeim vilyrði fyrir álverum við Húsavík, á Keilisnesi og í Helguvík (ef þeir eru að taka yfir Alcan) með því skilyrði að þeir flytji höfuðstöðvar sínar til Íslands.

Þá fáum við loksins þau störf sem við viljum fyrir álverin.

Hér eru lágir fyrirtækjaskattar, ágætt framboð á velmenntuðu starfsfólki, ágæt þekking á áliðnaði, góðar samgöngur við umheiminn, við erum staðsett mitt á milli Evrópu og Ameríku með beint flug til Evrópu, Ameríku og Kanada svo eitthvað sé nefnt.  Á næstu tuttugu árum verður farið að fljúga yfir norðurpólinn og þá verðum við orðin miðdepill ferðalaga í þrjár áttir, mitt á milli Evrópu, Austur-Asíu og Ameríku. Alcoa eru að skoða álver á Grænlandi þannig að Ísland gæti að mörgu leyti hentað þeim ágætlega.

Bjóðum þeim þetta og hugsanlega fleiri stórfyrirtækjum.  Byrjum þó á Alcoa og verum ekkert að leyfa þeim að reisa álver hérna fyrr en þetta er í höfn.  Þá fáum við skatta af hagnaði Alcoa International.  Við gætum ráðið nokkra hjúkrunarfræðinga fyrir það!

Hvaðan kemur eiginlega allt þetta fólk?

Hvernig stendur á því að þegar markaðurinn hefur verið á fullu síðan 2004 og lengur og verð hækkað upp úr öllu valdi þá geti orðið hækkun upp á 71% fjölgun frá því í fyrra?  Hvaðan kemur allt þetta fólk?  Það hlýtur að þurfa að selja gömlu íbúðina?  Ekki eru þetta all innflytjendur.  Hvaðan kemur eiginlega allt þetta fólk?

Er fólk kannski að klára að kaupa til að nýta gömlu lánareglurnar meðan þær endast?  Við sjáum hvort þetta dettur niður á næstu mánuðum eða hvort gullæðið heldur áfram.

Kaupsamningar í júní 72% fleiri en í fyrra

Mikilvægt að ná sátt um aðferðafræðina

Það sem gerir þessa umræðu svo slæma er ekki niðurstaðan heldur sú staðreynd að það er ekki sátt um þá aðferðafræði sem er notuð hjá Hafró.  Meðan menn treysta ekki mælitækinu þá verður aldrei sátt um útkomuna. 

Ég held að það sé lykilatriði að Hafró hafi sjálfstraust til að leggjast yfir það mál með öllum sem að sjávarútvegnum koma, skýra þá aðferð sem nú er notuð ofan í kjölinn og kanna hvort einhver önnur betri er til í heiminum. 

Það verður ekki fyrr en að lokinni þessari vinnu sem sátt verður um niðurstöðuna, hvort sem niðurstaðan er hátt eða lágt aflamark.

Forseti FFSÍ lýsir yfir vonbrigðum með ákvörðun sjávarútvegsráðherra

Eins gott að Kristinn er ekki ráðherra!

"að hann hefði því talið farsælast að halda jafnstöðu næstu þrjú árin og hafa aflamark óbreytt á meðan unnið væri að frekari rannsóknum."

 Annað hvort höfum við Hafró eins og hún er og förum eftir henni eða við breytum vinnubrögðum Hafró og förum eftir henni þá líka.  Það er fáránlegt og fullkomlega óábyrgt að hafa Hafró en fara ekki eftir henni.

Ég tek ofan fyrir Einari K. og ríkisstjórninni að hafa haft dug í sér til að taka þetta erfiða skref.

Nú er bara spurning hvort ekki þurfi að gera svipaða hluti með loðnuna þar sem hún er helsta fæðutegund þorsksins.

Kristinn H: Aukin hætta á brottkasti og svindli

Góður Óli!!!!

Flott hjá Óla að vera svona til fyrirmyndar.  Auk þess fellur þetta afarvel að því þegar hann fær útlendingana í heimsókn og rúllar með þá til Nesjavalla að vera á hybrid bíl.

Forsetaembættið fær nýjan bíl

Erum við að selja þessa þekkingu?

Erum við að selja þessa þekkingu?

...eða erum við að gefa Indverjum hana?  Getum við selt hana öðrum löndum svipað og þekkingu okkar á jarðhita?

Skrifað undir samning við Indverja um jarðskjálftarannsóknir

Reykjanesbær hluthafi í Geysir Green Energy

Reykjanesbær er auðvitað hluthafi í Geysir Green Energy þannig að það kemur fáum að óvart þótt þeir ætli að halla sér upp að þeim í þessu máli.

Reykjanesbær mun nýta forkaupsréttinn