Skátakórinn með 10 ára afmælistónleika næstkomandi laugardag 19. apríl!!!

Skátakórinn býður þér til afmælistónleika í tilefni af tíu ára starfsafmæli sínu.

Tónleikarnir fara fram í húsi Rauða Krossins, Strandgötu 24 í Hafnarfirði laugardaginn 19. apríl kl. 15:00.

Efnisskráin spannar brot af því besta sem kórinn hefur flutt á ferli sínum og samanstendur af skátalögum, þjóðlögum, dægurlögum, popptónlist og söngleikjalögum.

Stjórnendur: Kirstín Erna Blöndal & Örn Arnarsson og hljómsveitina skipa þeir:
Jóhann Hjörleifsson, trommur
Jón Rafnsson, bassa
Skarphéðinn Þór Hjartarsson, hljómborð
Örn Arnarson, gítar

Aðgangseyrir er kr. 500 en ókeypis er fyrir börn.

Með skátakveðju,

Skátakórinn

Hræsni!

Það er auðvitað ekkert annað en hræsni að þessi ríki kaupi vörur og stundi viðskipti við Kína fyrir milljarða en ætli síðan að ráðast á Ólympíuleikana þótt þeir séu haldnir í Kína.  Ástæða þess er auðvitað sú að engir hagsmunir eru þar á bakvið og því er hægt að hafa hátt í tengslum við leikana.  Þar sem hinir raunverulegu hagsmuni liggja, þ.e. á viðskiptasviðinu, þar rugga þeir ekkert bátnum.

Það er ljótt að sjá pólitíkina fara svona með Ólympíuleikana og gott hjá Þorgerði Katrínu að mæta.  Fyrst Kínverjum var á annað borð leyft að halda Ólympíuleikana þá á að koma fram við þá eins og aðra Ólympíuleika.  Það er hins vegar full ástæða til að spyrja sig hvort ríki þurfi að uppfylla einhver skilyrði til að fá að halda Ólympíuleikana.  Bandaríkjamenn hefðu t.d. ekki mátt það ef horft hefði verið til mannréttindabrota.

Hvetja stjórnvöld ríkja ESB til að sniðganga setningarathöfnina

Er það jafnrétti að bæjarstjórinn skuli vera kona?

Það er klárlega jafnrétti að hlutfall kynjanna í bæjarstjórn og nefndum endurspegli hlutfall kynjanna í bæjarfélaginu (sem líklega er u.þ.b. 50/50).  Það er líka klárlega jafnrétti að hafa eðlilegt hlutfall karla og kvenna í stjórnunarstöðum hjá bæjarfélaginu.  En er það jafnrétti að bæjarstjórinn skuli vera kona?

Komist menn að því á landsvísu að það halli verulega á annað kynið í bæjarstjórastöðum getur það verið hluti af markmiðum t.d. Jafnréttisstofu að fjölga einstaklingum af því kyni sem færra er af í bæjarstjórastöðum.  Það segir hins vegar ekkert um stöðu jafnréttismála innan viðkomandi bæjarfélags hvort kynið er bæjarstjóri þá stundina þótt það segi til um stöðu jafnréttismála á landsvísu hvernig hlutfallið er innan hóps allra bæjarstjóra.  T.d. gæti öll bæjarstjórnin í viðkomandi sveitarfélagi verið konur sem væri klárlega ójafnrétti.

Það er jafnrétti ef hægt er að fara 10-15 ár til baka og að þá hafi bæði karlar og konur orðið bæjarstjórar með nokkuð jöfnu millibili, þ.e. að jafn eðlilegt sé að kona sé í stöðunni og karl.

Er það jafnrétti ef tvær konur og tveir karlar eru í bíl og kona keyrir bílinn en ekki jafnrétti ef karl keyrir bílinn?

Minnkaði jafnréttið við það að Vigdís hætti sem forseti og Ólafur tók við?

Erum við ekki að misskilja eitthvað orðið jafnrétti?

Þú verður alltaf að hafa hóp og að staða kynjanna sé nokkuð jöfn innan þessa hóps til þess að geta talað um jafnrétti, eða að allir hafi sömu möguleika - sama rétt - jafnt í orði sem og á borði. - Það er jafnrétti.

Staða jafnréttismála best hjá Akureyrarbæ

Algerlega fráleitt að afnema hvíldarákvæðin

Það er auðvitað algerlega fráleitt að ráðherra umferðaröryggismála kalli eftir undanþágu frá hvíldarákvæðinu.

Það að stoppa í 15 mínútur á eins og hálfs tíma fresti er ekki óeðlileg krafa til þeirra sem keyra stóra bíla eftir íslenskum vegum.

Íslenskir bílstjórar hafa keyrt hálfsofandi eftir íslenskum vegum í áratugi.  Menn sem ég þekki voru að keyra tvær til þrjár ferðir milli Norðurlands og Reykjavíkur á sólarhring gjörsamlega vansvefta og hreint kraftaverk að ekki hlutust slys af.

Það eru klárlega sérstakar aðstæður á Íslandi. Hér eru vegirnir almennt verri og mjórri, veður og skyggni verri og færð almennt meira krefjandi en víðast hvar annars staðar. Hinar sérstöku íslensku aðstæður ættu því að auka enn á mikilvægi þessara reglna og algerlega fráleitt að þær dragi úr ástæðu þess að setja þær.

Fundur með talsmanni vörubílstjóra

Ólafur Ragnar Ólafur Grímsson is Principal Voices' Frontline Pioneer for the Economics of Energy

Ólafur Grímsson is Principal Voices' Frontline Pioneer for the Economics of Energy

Sjáið þetta á CNN: http://edition.cnn.com/2008/TECH/science/04/01/olafur.grimsson/index.html

Ekki langt síðan einungis utanbæjarfólk mátti gista á hótelum í Reykjavík

Ekki langt síðan einungis utanbæjarfólk mátti gista á hótelum í Reykjavík.  Reykvíkingar máttu það ekki.  Magnað, ekki satt?!

....heimur batnandi fer.

Breytingar á Kúbu: Mega gista á hótelum

Af hverju í ósköpunum á ég (ríkið) að borga hvíldaraðstöðu fyrir starfsmenn flutningafyrirtækja?

Af hverju í ósköpunum á ég (ríkið) að borga hvíldaraðstöðu fyrir starfsmenn flutningafyrirtækja?

Bílstjórar mótmæla

Íslendingar þurfa ekki ódýrara eldsneyti

Nokkar ástæður fyrir því að þjóðin þarf ekki ódýrara eldsneyti:

• Á undanförnum 10 árum eða svo hefur bílum á höfuðborgarsvæðinu fjölgað um 40-50%. 
  • Fyrir 10 árum síðan (áður en ofangreind aukning átti sér stað) voru Íslendingar þegar orðnir í efstu sætum heims yfir fjölda bifreiða á hvern íbúa.
• Á mjög mörgum heimilum eru tveir, þrír og jafnvel fjórir bílar.
• Í stórum hluta bifreiða á götunum situr einungis einn farþegi.
• Stór hluti bíla á götunum eru stórir jeppar sem margir hverjir fara sjaldan eða aldrei út fyrir malbikið.  Þörfin fyrir svo stóra bíla og eyðslufreka er í besta falli óljós og ekki til þess fallin að draga úr mengun eða notkun á eldsneyti.
• Notkun almenningssamgangna er mjög lítil.
• Strætó bs. er í eigu sveitarfélaganna á höfuðborgarsvæðinu sem hafa ekki markað neina þá stefnu sem líkleg er til að breyta markaðshlutdeild almenningssamgangna fyrir svæði í heild.
• Háar kröfur eru uppi í þjóðfélaginu um að auknu fjármagni sé varið í vegagerð, þ.m.t. tvöfaldanir, göng og aðra þjónustu við einkabílinn sem kosta munu tugi milljarða á næstu árum.

Frestun á vandamálinu en ekki lausn 

Það er ekkert sem bendir til annars en að verð á olíu í heiminum muni hækka á komandi árum.  Ef við ætlum alltaf að lækka bensínskattinn þegar olía og bensín hækka á komandi árum verðum við innan nokkurra ára búin að klára skattinn en olían heldur áfram að hækka.  Við sitjum þá uppi með sama vandamálið og nú en minni tekjur í ríkissjóð til vegaframkvæmda.

Íslendingar þurfa að bregðast við því með því að leita annarra lausna.  Hátt bensínverð mun því vonandi virka sem hvati til breytinga á framtíðarsamgöngumáta almennings á Íslandi og annars staðar í heiminum.

Sértækar lausnir fyrir vörubílstjóra

Ég hef hins vegar ákveðna samúð gagnvart vörubílstjórum sem gegna mikilvægu hlutverki í flutningum og almennum rekstri samfélagsins og fyndist ekki óeðlilegt að reynt yrði að koma til móts við þann kostnaðarauka sem þeir eru að verða fyrir.  Þeir eiga ekki sama möguleika og almenningur að nýta sér minni og sparneytnari bíla eða almenningssamgöngur. 

Ein leið gæti verið sú að þeir fái sérstakt leyfi til að kaupa svokallaða "litaða" olíu á lægra verði en almenningur.  Önnur að þeir yrðu styrktir til kaupa á trukkum sem nýta aðra og mengunarminni eldsneytisgjafa en nú er og að markvisst verði farið í að koma slíkum stöðvum fyrir út um land þar sem vörubílstjórar gætu fyllt á bíla sína með umhverfisvænum orkugjöfum.

Lokun vegarins háalvarlegt mál

Öll eggin í sömu körfu??? - Hvað með aðra mynt en Evru???

Öll eggin í sömu körfu??
Það var athyglisvert í Silfri Egils í dag þegar Egill minntist á að útflutningur á áli stefndi í 12% af landsframleiðslu.  Það finnst mér ógnvekjandi, þ.e. að vera með öll eggin í sömu körfunni.  Hvað gerist þegar álverð lækkar t.d. vegna þess að menn finna upp önnur efni sem hafa sömu eiginleika og ál.  Eftir að Helguvík og Bakka lýkur verður vonandi snúið á aðrar brautir, aðrar körfur.  Mætti jafnvel gera það fyrr, þ.e. nýta losunarkvótann okkar í annað.

Myntmál
Eina leiðin til að taka upp Evruna er að ganga í ESB.  Það lítur allt út fyrir að búið sé að slá endanlega út af borðinu möguleikan á því að taka upp Evru einhliða.  Það er ekkert sérstaklega spennandi að hoppa á ESB vagninn og slæmt að leggja út í þann leiðangur einungis til þess að taka upp Evru.  Hvað með aðrar myntir?  Hvað með Bandaríkjadollar eða Kanadadollar svo eitthvað sé nefnt?  Hverjir eru kostirnir og gallarnir við að taka upp þær myntir?  Einhver í þættinum þínum mynntist meira að segja á norsku krónuna.  Hún sveiflast líklega ekkert mjög ósvipað íslenskum hagsveiflum sem ráðast mikið af hitastigi í sjó annars vegar og sveiflum á alþjóðlegum fjármálamörkuðum hins vegar.

Mér finnst stundum eins og ESB sinnarnir séu markvisst að halda öðrum möguleikum utan umræðunnar, þ.e. öðrum möguleikum en þeim að taka upp Evruna og til þess þurfa að ganga í ESB.  Íslendingar hafa hingað til ekki viljað ganga í ESB en margir vilja taka upp aðra mynt.  ESBsinnarnir hafa, réttilega, líklega komist að því að eina leiðin til að selja Íslendingum ESB sé að gera það í gegnum Evruumræðu.  Getum við náð markmiðum okkar um stærra myntsvæði á annan hátt er spurning sem þarf að svara.

Tilraun til að koma böndum á tígrana í austri

Bandaríkjamenn eru með þegar það þjónar þeirra hagsmunum.  Kínverjar opna 1000 MW kolaver (Kárahnjúkavirkjun er 690 MW) í hverri viku.  Með því að fá þá til að skrifa undir bindandi samkomulag eru Bandaríkjamenn að reyna að seinka upprisu risanna tveggja í austri, Kínverja og Indverja.  Neyðin kennir naktri konu að spinna á vel við hér.

Bindandi markmið samþykkt?